ساعة الصبحية
وانا لسه مفتح عينيه
ونسمة هوا معديه
خطفة قلبى من جوايا
ومنظر خضرة خطف عينيه
وهز كل اللى جوايا
ـــــــــــــــــ
ساعة الصبحية
والست بهية طالعة البدرية
وش بشوش هى ومعديه
وعم عطية بيلاغى ملغية
كل اللى يقابله من بعد الفجرية
ـــــــــــــــــــــــــ
ساعة الصبحية
على الزراعية ناس رايحة وجاية
همة ونشاط وحيوية
وراجل بيعزق بطريه
وواحد بيحول فى الميه
والله دى احلى اصتباحية
ــــــــــــــــــــ
ساعة الصبحية
بعيد عن اهل البندرية
ودوشة وصوت العربية
ولاخناق الافندية على سندوتش الطعمية
ولا الواد والبت اللى ماشين انكشية
والتعليم عند الحب ملهوش اهمية
ده شباب الملاغية
ــــــــــــــــــــــ
ساعة الصبحية
والقاعدة عند القهوجية
اشرب تعميرة الصبحية
واصبح على كل المصراوية
تعليقات
إرسال تعليق