الجليطة الصهيونية الى اين ـــــــــــــــــــــــــــــــــ

انت ياواد يامتريش
 
شكلك كده مدندش
 
وللقرش متعرفش تحوش
 
وعمر ماقلبك اتوغوش

 
ده انت على طول مفرفش
 

عمرك ماشلت هم العيان
 
ولا تعرف الواد البردان
 
ولافى البيوت مين الجعان
 
ولا المسكين اللى تحت الحيطان
 
ولا اللى بيطوف فى الشوارع من الجنان
 
ولا الشباب العاطل فى الاركان
 
ولا الهجوم على العيش فى الافران
 
ولايكون عليك دينة فى الدكان
 

ده انت اتربيت وسط الحيتان
 
اللى وكلين اكل الغلبان
 
وبيعبوا الكرش اللى مش شبعان
 
وبيهدوا فى الحيطان
 
وبيغيروا فى العنوان
 
وكانه يوم من مهرجان
 
ومصدرينك تخبط على باب هذا الشعب الغلبان
 
بعد ماخلوه عايش فى حاله توهان
 
مش دارى باللى بيحصل فى المكان 

 اوعى تفتكر انه شعب غلبان

ده نايم ومش داريان


ولو قام بيبقى زى البركان

والتاريخ موجود شاهد عيان

بيحكى كلام فى المليان

من ايام قطز ورفع الرايه فى الميدان

لحد نصر اكتوبر المبروز فى العنوان