العشوائيات

العشوائيات فى بلادى كتيرة
ملموم فيها حاجات غريبة
وفيها مستويات عجيبة
فيها ناس ظروفها متينة
وفيها ناس ملهاش قيمة
دروب وحوارى صغيرة
فيها بيوت جنب عشش متراصة
لما بين جدرانها ناس كتيرة
الكل شغال عمال سريحة
وعايشين وكانها عيشة مليحة
وفيها عيال صغار
بس كتار ملين كل دار
والقلم احتار
يكتب عن ايه ويختار
مابين الفالح والطالح ولا اللى عليه تار
ولا ست سنيه او فكرية الغجرية
ولا الفتوة اللى فاكر نفسه عمر المختار
ولا عن العركة اللى تخرب كل دار
دى عشوائيات موجودة وربنا الستار